Wanted- Mullah Omer Part 3

Wanted- Mullah Omer Part 2

ಮುಲ್ಲಾ ಒಮರ್ ನಿಜವಾಗಿಯೂ ಸತ್ತಿದ್ದಾನಾ..? ಅಥವಾ ಅಮೆರಿಕಾದಿಂದ ಸಿಂಪಥಿ ಗಿಟ್ಟಿಸಿಕೊಳ್ಳಲು ಪಾಕ್ ಆಡುತ್ತಿರುವ ನಾಟಕವಾ..? ಯಾಕೆ ಈ ಪ್ರಶ್ನೆ ಉಧ್ಬವವಾಯ್ತು ಅಂತಿರಾ... ಏಕಂದ್ರೆ, ಪಾಕಿಸ್ತಾನದ್ದು ಯಾವಾಗಲೂ ಎರೆಡೆರಡು ನಾಲಿಗೆ. ಈ ಹಿಂದೆ ಪಾಕ್ ಪ್ರಮುಖ ತಾಲಿಬಾನ್ ಲೀಡರ್ ಫಕೀಮುಲ್ಲಾ ಮಸೂದ್ ಬಗ್ಗೆಯೂ ಇಂತದ್ದೇ ಹೇಳಿಕೆಯನ್ನ ನೀಡಿತ್ತು. ಆದ್ರೆ ಆಮೇಲೇನಾಯ್ತು..

 ಫಕೀಮುಲ್ಲಾ ಮಸೂದ್... ಈತ ಕೂಡ ಮುಲ್ಲಾ ಒಮರ್ ನಂತೆ ತಾಲಿಬಾನ್ ನ ಪ್ರಮುಖ ಲೀಡರ್. 2010ರಲ್ಲಿ ಫಕೀಮುಲ್ಲಾನ ಕಥೆ ಮುಗಿಸಿದ್ದೇವೆ ಅಂತ ಪಾಕಿಸ್ತಾನದ ಐಎಸ್ ಐ ಬಡಾಯಿ ಕೊಚ್ಚಿಕೊಂಡಿತು. ಆದ್ರೆ ಆಮೇಲೇನಾಯ್ತು. ಎರಡೇ ಎರಡು ದಿನ... ಖುದ್ದು ಫಕೀಮುಲ್ಲಾ ತಾಲಿಬಾನ್ ನ ಖಾಸಗಿ ವಿಡಿಯೋಗಳಲ್ಲಿ, ಚಾನೆಲ್ ಗಳಲ್ಲಿ ಕಾಣಿಸಿಕೊಂಡು ಬಿಟ್ಟಿದ್ದ.. ತಾನಿನ್ನೂ ಬದುಕಿದ್ದೇನೇ, ಪಿಚ್ಚರ್ ಅಭಿ ಬಾಕಿ ಹೈ ಮೇರೆ ದೋಸ್ತ್ ಅಂತ ಖಿಲ್ಲನೆ ನಕ್ಕಿದ್ದ. ಅದು ಪಾಪಿ ಪಾಕ್ ಗಾದ ಅತಿದೊಡ್ಡ ಮುಖಭಂಗ.





ಆಗ ಕೂಡ ಪಾಕ್ ಅಮೆರಿಕಾವನ್ನ ಇಂಪ್ರೆಸ್ ಮಾಡಲು ಇಷ್ಟೇಲ್ಲಾ ಕಸರತ್ತು ನಡಿಸಿತ್ತು. ಆದ್ರೆ ಅದು ಟುಸ್ಸಾಗಿತ್ತು.. ಅದ್ರಂತೆ ಮತ್ತೇ ಈಗ ಪಾಕ್ ಮುಲ್ಲಾ ಒಮರ್ ನನ್ನ ನ್ಯಾಟೋ ಕಾರ್ಯಾಚರಣೆಯಲ್ಲಿ ಕೊಂದಿದ್ದೇವೆ ಅಂತ ಬಡಾಯಿ ಕೊಚ್ಚಿಕೊಳ್ಳುತ್ತಿದೆ. ಅದು ನಿಜವಾ.. ಇಲ್ಲಾ ಅನ್ನುತ್ತಿವೆ ತಾಲಿಬಾನ್ ಸಂಘಟನೆಗಳು,.

ಆದ್ರೆ ಅದಕ್ಕೆ ಪುರಾವೆ ಸಿಕ್ಕಿವೆ ಅಂತ ಪಾಕ್ ನ ಅಧಿಕಾರಿಗಳು, ಅಫಘಾನಿಸ್ತಾನದ ಮೂಲಗಳು ತಿಳಿಸಿವೆ. ಆದ್ರೆ ಪಾಕಿಸ್ತಾನದ ಮಾತುಗಳನ್ನ ನಂಬೋದಾದ್ರೂ ಹೇಗೆ..? ಭಯೋತ್ಪಾದಕರ ತವರು ಮನೆಯಂತಾಗಿರುವ ಪಾಕಿಸ್ತಾನದಲ್ಲೇ ಸಾಲು ಸಾಲು ಉಗ್ರರು ನೆಲೆ ಕಂಡುಕೊಂಡಿದ್ದಾರೆ. ಒಮರ್ ನ ಹತ್ಯೆಯಾಗಿದ್ದು ಕೂಡ ಅಲ್ಲೇ. ಕ್ವೆಟ್ಟಾದಿಂದ ಉತ್ತರ ವರಿಜಿಸ್ತಾನಕ್ಕೆ ತೆರಳುತ್ತಿದ್ದ ಮುಲ್ಲಾ ಒಮರ್ ನ್ನ ಹತ್ಯೆಗೆಯ್ದಿದ್ದೇವೆ ಅಂತ ಖುದ್ದು ಅಫಘಾನಿಸ್ತಾನ ಹೇಳಿಕೊಳ್ತಿದೆ. ಆದ್ರೆ ಪುರಾವೆಯಿಲ್ದೆ ನಂಬೋದಾದ್ರೂ ಹೇಗೆ ?
!-- Facebook share button Start -->

Wanted- Mullah Omer Part 2

Wanted- Mulla Omer Part 1

ಮುಲ್ಲಾ ಒಮರ್ ಬರೀ ಪಾಶ್ಚಿಮಾತ್ಯ ದೇಶಗಳಿಗಷ್ಟೇ ಕಂಟಕ ಪ್ರಾಯನಾಗಿರಲಿಲ್ಲ.... ಇಡೀ ವಿಶ್ವಕ್ಕೆ ವಿಷಜಂತುವಾಗಿದ್ದ. ವಿಶ್ವದ ಮೇಲೆ ಯುದ್ಧ ಸಾರಿದ ಚಾಲಾಕಿ ಈತ...... ಅಫಘಾನಿಸ್ತಾನವೆಂಬ ಬಡರಾಷ್ಟ್ರವನ್ನು ತನ್ನ ಮುಷ್ಟಿಯಲ್ಲಿಟ್ಟುಕೊಂಡಿದ್ದ ಈ ರಾಕ್ಷಸ ಕಾಕ ದೃಷ್ಟಿ ಭಾರತದ ಮೇಲೂ ಬಿದ್ದಿತ್ತು... ಅದ್ಹೇಗೆ... ಭಾರತಕ್ಕೆ ಅವನಿಂದಾದ ಕಿರಿಕಿರಿ ಏನು... ಇಲ್ಲಿದೆ ಸಂಪೂರ್ಣ ಮಾಹಿತಿ.....

ಮುಲ್ಲಾ ಒಮರ್ ಎಲ್ಲೋ ದೂರದಲ್ಲಿದ್ದುಕೊಂಡೇ ಪಾಶ್ಚಿಮಾತ್ಯ ದೇಶಗಳಿಗೆ ಕೆಟ್ಟ ಕನಸಾಗಿ ಕಾಡುತ್ತಿದ್ದ. ಅಷ್ಟೇ ಅಲ್ಲದೆ ನಿಮಗೆ ನೆನಪಿರ ಬಹುದು, ಈ ಪಾಪಿ, ಇಂಡಿಯಾಏರ್ ಲೈನ್ಸ್ ವಿಮಾನವನ್ನ ಸಹ ಅಪಹರಿಸಲು ಸಹಕಾರ ನೀಡಿದ್ದ. ಆ ಮೂಲಕ ಈತನ ಕಾಕ ದೃಷ್ಟಿ ಭಾರತದ ಮೇಲೂ ಬಿದ್ದಿತ್ತು. ಹೀಗಾಗೇ , 1999 ರ ಡಿಸೆಂಬರ್ 26ರ ರಂದು ಭಾರತದಿಂದ ಅಪಹರಿಸಿದ್ದ, ಐಇಸಿ 814 ವಿಮಾನವನ್ನ ಉಗ್ರರು ಇಳಿಸಿದ್ದು, ತಾಲಿಬಾನ್ ಆಡಳಿತವಿದ್ದ ಇದೇ ಕಂದಹಾರ್ ನಲ್ಲಿ. 160 ಪ್ರಯಾಣಿಕರನ್ನು ಮುಂದಿರಿಸಿಕೊಂಡೇ, ಜೈಷ್ ಎ ಮೊಹಮ್ಮದ್ ಸಂಘಟನೆ ತಾಲಿಬಾನಿಗಳ ನೆರವಿನಿಂದ ನೆಟೋರಿಯಸ್ ಉಗ್ರರನ್ನು ಬಿಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದ..
   



ಇಂತ ಉಗ್ರ ಬರೀ ಪಾಶ್ಚಿಮಾತ್ಯ ದೇಶಗಳಿಗಷ್ಟೇ ಅಲ್ಲ,ಭಾರತಕ್ಕೂ ಕಂಟಕನಾಗಿದ್ದ. ಈ ಎಲ್ಲಾ ಕಾರಣಕ್ಕಾಗೇ ಅಮೆರಿಕಾ ಮುಲ್ಲಾನ ಹುಟ್ಟಡಗಿಸಬೇಕು ಅಂತ ನಿರ್ಧರಿಸಿತ್ತು. ಅದಕ್ಕಾಗಿ ಪ್ರಯತ್ನವನ್ನ ಸಹ ನಡೆಸುತ್ತಿತ್ತು. ಮುಲ್ಲಾ ಒಮರ್ 2001ರಿಂದ ಪಾಕಿಸ್ತಾನದಲ್ಲೇ ಇದ್ದಾನೇ ಅನ್ನೋದು ಅಮೆರಿಕಾಗೆ ಚೆನ್ನಾಗಿ ಗೊತ್ತಿತ್ತು. ಆದ್ರೆ, ಮುಲ್ಲಾಗಿಂತ ಅಮೆರಿಕಾಗೇ ಹೆಚ್ಚು ಮುಖ್ಯವಾಗಿದ್ದು ಒಸಾಮಾ ಬಿನ್ ಲಾಡೆನ್. ಹೀಗಾಗೇ ಮೊದ್ಲಿಗೆ ಅವ್ರು ಹೆಚ್ಚು ಒತ್ತು ಕೊಟ್ಟಿದ್ದು ಒಸಾಮಾನ ಬಗ್ಗೆ.


ಯು.ಎಸ್ ಆರ್ಮಿಗೆ ಮುಲ್ಲಾ ಐಎಸ್ ಐನ ರಾಯಲ್ ಟ್ರೀಟ್ ಮೆಂಟ್ ನಲ್ಲಿ ಸುಖವಾಗಿದ್ದಾನೇ ಅನ್ನೋದು ಚೆನ್ನಾಗೆ ಗೊತ್ತಿತ್ತು. ಲಾಡೆನ್ ನ ಸಾವಿಗೂ ಮುಂಚೆಯೇ ಈ ವಿಷಯ ಜಗಜ್ಜಾಹಿರಾಗಿತ್ತು. ಯಾಂಕಂದ್ರೆ 2011 ಜನವರಿ ತಿಂಗಳಲ್ಲಿ ಮುಲ್ಲಾ ಒಮರ್ ಗೆ ಹೃದಯಾಘಾತವಾಗಿತ್ತು. ಹೀಗಾಗೇ ಆತ ಪಾಕಿಸ್ತಾನದ ಹೈಟೆಕ್ ಆಸ್ಪತ್ರೆಗೆ ಅಡ್ಮಿಟ್ ಆಗಿದ್ದ. ಅದೂ ಕೂಡ ಐ.ಎಸ್.ಐನ ಟೈಟ್ ಸೆಕ್ಯೂರಿಟಿಯ ನಡುವೆ. ಪಾಕ್ ನಲ್ಲಿ ಮುಲ್ಲಾ ಗೆ ರಾಜಾಥಿತ್ಯವಿತ್ತು. ಮತ್ತು ಈ ವಿಷಯ ಅಮೆರಿಕಾಗೂ ಚೆನ್ನಾಗೇ ಗೊತ್ತಿತ್ತು.

ಲಾಡೆನ್ ಹತ್ಯೆಯ ನಂತ್ರ ಅಮೆರಿಕಾದ ಮುಂದೆ ಪಾಕ್ ನ ಬಣ್ಣಗೇಡಿತನ ಬಯಲಾದ ನಂತ್ರ, ತನ್ನ ಭರವಸೆಯನ್ನ ಉಳಿಸಿಕೊಳ್ಳಲು ಪಾಕ್ ಏನಾದರೂ ಕಸರತ್ತು ನಡೆಸಲೇ ಬೇಕಿತ್ತು. ಅದಕ್ಕಾಗೇ ಮುಲ್ಲಾ ಒಮರ್ ನ ಮಾರಣ ಹೋಮವಾಗಿದೆ ಅನ್ನೋದನ್ನ ಅಲ್ಲಗಳಿಯೋ ಪರಿಸ್ಥಿತಿಯಲ್ಲೂ ಪಾಕಿಸ್ತಾನ ಇಲ್ಲ...

!-- Facebook share button Start -->

Wanted- Mullah Omer

ಮುಲ್ಲಾ ಒಮರ್. ಇದು ಅಂತಿಂತ ಟೆರರಿಸ್ಟ್ ನ ಹೆಸ್ರಲ್ಲ. ಬದಲಾಗಿ ಟೆರರಿಸ್ಟ್ ಗಳಿಗೇ ಆಶ್ರಯ ನೀಡುತ್ತಿದ್ದ ಪವರ್ ಫುಲ್ ಉಗ್ರನ ನಾಮಧೇಯ. ಈ ಕಾರಣಕ್ಕಾಗೇ ಮೋಸ್ಟ್ ವಾಂಟೆಡ್ ಟೆರರಿಸ್ಟ್ ಗಳ ಲಿಸ್ಟ್ ನಲ್ಲಿ ಮುಲ್ಲಾ ಒಮರ್ ನದ್ದು ಎರಡನೇ ಸ್ಥಾನ. ಇಂತಿಪ್ಪ ಒಮರ್ ಅಪ್ಘಾನಿಸ್ತಾನದಲ್ಲಿ ತಾಲಿಬಾನ್ ತಲೆಎತ್ತುವಂತೆ ಮಾಡಿದ್ದ.


ಚಿಕ್ಕಂದಿನಿಂದಲೇ ಕಟ್ಟರ್ ಮುಸ್ಲಿಂ ನಾಗಿದ್ದ ಮುಲ್ಲಾ, 1980ರಲ್ಲಿ ಸೋವಿಯತ್ ಒಕ್ಕೂಟದ ವಿರುದ್ಧ ಹೋರಾಡಿದ್ದ..ನಿರ್ಭಿಡೆಯಿಂದ ಇರುತ್ತಿದ್ದ ಮುಲ್ಲಾ ಅಫಘಾನಿಸ್ತಾನದಲ್ಲಿ ಆಡಿದ್ದೇ ಆಟ ಅನ್ನುವಂತಾಗಿತ್ತು. ಮುಲ್ಲಾ ಒಮರ್ 1996ರಿಂದ 2000ನೇ ಇಸವಿಯವರೆಗೆ ಅಫಘಾನಿಸ್ತಾನದಲ್ಲಿ ರಾಜನಂತೆ ಮೆರೆದ..ಯಾವಾಗ ಯು.ಎಸ್ ಆರ್ಮಿ ಅಫಘಾನಿಸ್ತಾನದ ಮೇಲೆ ಯುದ್ಧ ಸಾರಿತೋ, ಆಗ ಒಮರ್ ಅಫಘಾನಿಸ್ತಾನವನ್ನ ತೊರೆದು ಪಾಕಿಸ್ತಾನಕ್ಕೆ ಓಡಿಹೋದ. ಈತನೇ ಅಫಘಾನಿಸ್ತಾನದಲ್ಲಿ ಅಲ್ ಖೈದಾ ಬೇರು ಬಿಡಲು ಸಹಾಯ ಮಾಡ್ದಾ. ಅಷ್ಟೇ ಅಲ್ಲ, ಅಲ್ ಖೈದಾದ ಮುಖ್ಯಸ್ಥನಾಗಿದ್ದ ಒಸಾಮಾ ಬಿನ್ ಲಾಡೆನ್ ಗೂ ಒಮರ್ರೇ, ಆಶ್ರಯಕೊಟ್ಟಿದ್ದ..


9/ 11 ರ ವಲ್ಡ್ ಟ್ರೇಡ್ ಸೆಂಟರ್ ಮೇಲಿನ ದಾಳಿಯ ಮುಂಚೆ, ಒಸಾಮಾಗೆ ಆಶ್ರಯ ನೀಡಿದ್ದು ಇದೇ ಒಮರ್.. ಆದ್ರೆ ಯಾವಾಗ ಅಮೆರಿಕಾ ಅಫಘಾನಿಸ್ತಾನದ ವಿರುದ್ಧ ಯುದ್ಧವನ್ನ ಸಾರಿತೋ, ಆಗ ಮುಲ್ಲಾ ಒಮರ್ ಅಕ್ಷರಶಃ ನಡುಗಿ ಹೋಗಿದ್ದ. ಹೀಗಾಗೇ ಅಫಘಾನಿಸ್ತಾನವನ್ನ ತೊರೆದು ಮುಲ್ಲಾ ತೆರಳಿದ್ದು ಪಾಕಿಸ್ತಾನಕ್ಕೆ. ಆ ಹೊತ್ತಿಗಾಗಲೇ ಅಮೆರಿಕಾ ಸರ್ಕಾರ ಮುಲ್ಲಾ ಒಮರ್ ಮೇಲೆ ಹತ್ತು ಮಿಲಿಯನ್ ಡಾಲರ್ ಬಹುಮಾನವ ಘೋಷಿಸಿತು. ಅವತ್ತಿನಿಂದ ಮುಲ್ಲಾ ಒಮರ್ ಪ್ರಪಂಚದ ಮೋಸ್ಟ್ ವಾಟೆಂಡ್ ಟೆರರಿಸ್ಟ್ ಲಿಸ್ಟ್ ಸೇರಿದ್ದ.
!-- Facebook share button Start -->

Powerful Five- Sonia Gandhi


ಈಕೆ ಇವ್ರೆಲ್ಲರಿಗಿಂತ ಡಿಫರೆಂಟ್. ಒಬ್ಬ ವಿದೇಶಿಗಳಾಗಿ ಹುಟ್ಟಿ, ವಿದೇಶದಲ್ಲೇ ಓದಿ, ತುಂಬಾ ಹೈ ಫೈ ಲೈಫನ್ನ ಲೀಡ್ ಮಾಡಿ ಒಬ್ಬ ಸಾಮಾನ್ಯ ಗೃಹಿಣಿಯಂತೆ ಜೀವಿಸಲು ತನ್ನ ಪ್ರೇಮಿಯ ಜೊತೆಗೆ ಭಾರತಕ್ಕೆ ಬಂದ ಯುವತಿಯಿಕೆ.




ಸೋನಿಯಾ ಗಾಂಧಿ. ಈ ಹೆಸ್ರನ್ನ ಭಾರತೀಯರಿಗೆ ಪರಿಚಯಿಸುವ ಅವಶ್ಯಕತೆಯೇ ಇಲ್ಲ. ಯಾಕಂದ್ರೇ ಈಕೆ ನಮ್ಮ ದೇಶದ ಸೊಸೆ. ಎಲ್ಲೋ ಹುಟ್ಟಿ, ಇನ್ನೇಲ್ಲೋ ಬೆಳೆದು. ಪ್ರೀತಿಯ ಮಾಯೆಗೆ ಸಿಲುಕಿ , ತನ್ನ ದೇಶವನ್ನೇ ಬಿಟ್ಟು ರಾಜೀವ್ ಗಾಂಧಿಯನ್ನ ತನ್ನ ಬಾಳಸಂಗಾತಿಯನ್ನಾಗಿ ಆರಿಸಿ ಭಾರತಕ್ಕೆ ಬಂದವಳು. ಹೀಗೆ ಬಂದ ಈಕೆ, ಒಬ್ಬ ಸಾಮಾನ್ಯ ಗೃಹಿಣಿ , ತನ್ನ ಅತ್ತೆ ಮನೆಯಲ್ಲಿ ಅನುಭವಿಸೋ ಎಲ್ಲಾ ಕಷ್ಟಗಳನ್ನೂ ಈ ಕಾಂಗ್ರೆಸ್ ಅಧಿನಾಯಕಿ ಅನುಭವಿಸಿದ್ದಾಳೆ.



ಮೊದಮೊದಲು ಸೋನಿಯಾ ಬಗ್ಗೆ ವಿದೇಶಿಯೆಂಬ ಮೂದಲಿಕೆಯಿತ್ತು. ಹಾಗೋ ಹೀಗೋ ಸಂಸಾರವನ್ನ ನಿಭಾಯಿಸಿಕೊಂಡು ಹೋಗುತ್ತಿದ್ದ ಸೋನಿಯಾಗೆ ದೊಡ್ಡ ಆಘಾತ. ಗಾಂಧಿ ಸಂಸಾರದ ಯಜಮಾನಿಯಾಗಿದ್ದ ಇಂದಿರಾ ಗಾಂಧಿಯನ್ನ ಆಪ್ತರಕ್ಷಕರೇ ಗುಂಡಿಟ್ಟು ಕೊಂದ್ರು. ಆಗ ಇಡೀ ಕುಟುಂಬಕ್ಕೆ ಆದ ಆಘಾತ ಅಷ್ಟಿಷ್ಟಲ್ಲ. ಇನ್ನೇನೂ ಎಲ್ಲವೂ ಸರಿಹೋಯ್ತು, ರಾಜೀವ್ ಗಾಂಧಿ ಪ್ರಧಾನಿಯಾದ್ರು ಅಂತಯಿದ್ರೆ, ಆಕೆಗೆ ಮತ್ತೊಂದು ಆಘಾತ. ಧರೆಯೇ ಕುಸಿದಂತ ಅನುಭವ. ಅದು ರಾಜೀವ್ ಗಾಂಧಿಯ ಮರಣ.



ಸೋನಿಯಾಗೆ ಇನ್ನು ಭಾರತದಲ್ಲಿ ನೆಲೆಯಿಲ್ಲ ಅನ್ನೋ ಮಾತುಗಳು ಕೇಳಿ ಬರ್ತಾಯಿದ್ವು. ಹತ್ತು ವರ್ಷಗಳ ಕಾಲ ಅಜ್ಞಾತವಾಸದಲ್ಲಿದ್ದ ಸೋನಿಯಾ ಜನ್ರ ಮುಂದೆ ಬಂದಿದ್ದು ಸೋನಿಯಾ ಗಾಂಧಿಯಾಗಿ. ಅಲ್ಲಿಂದ ಆಕೆ ಹಿಂತಿರುಗಿ ನೋಡಲಿಲ್ಲ. ಮನೆ ಸೊಸೆಯಾಗಿ, ಕಾಂಗ್ರೆಸ್ ಎಂಬ, ಬಂದ ಮನೆಗೆ ದೀವಿಗೆಯಾದ್ರು. ಕಾಂಗ್ರೆಸ್ ಜ್ಯೋತಿ ಬೆಳಗಿದ್ರು. ಸತತವಾಗಿ ಎರಡು ಬಾರಿ ಕಾಂಗ್ರೇಸ್ ಅನ್ನ ಗೆಲ್ಲಿಸಿ ಅಧಿಕಾರದ ಗದ್ದುಗೆಯಲ್ಲಿ ಕೂರಿಸಿದ್ರು.

ಪ್ರತ್ಯಕ್ಷವಾಗಿ ಸೋನಿಯಾ ದೇಶವನ್ನ ಆಳುತ್ತಿಲ್ಲವಾದ್ರೂ, ಯುಪಿಎ ಅಧ್ಯಕ್ಷೆಯಾಗಿ ಅವ್ರೇ ಸೂತ್ರಧಾರಿ. ಕಾಂಗ್ರೇಸ್ ಅಧಿನಾಯಕಿಯಾಗಿ ಮೆರೆಯುತ್ತಿರುವ ಸೋನಿಯಾ ಗಾಂಧಿಯ ದಿಟ್ಟತನವನ್ನ ನಿಜಕ್ಕೂ ಮೆಚ್ಚಲೇ ಬೇಕು.
!-- Facebook share button Start -->